Ech cant galican ch’étoét ch’cant rligieus tradicionnel in Gaule (Franche) edsous ches roés mérovingiens. Il o ‘tè rimplachè per ech roé Pépin ch’Bref au VIIIe sièke per ech cant viu-romain qui vnoét d’Rome. Conme ch’rimplachmint n’o mie ‘tè fachile, ch’cant viu-romain il o ‘tè cantè per des gins abituès à ch’cant galican, cho o fini per foaire un mélinge qu’est dvenu ch’cant messin, ch’taïon à ch’cant grégorien.